Mundubat Garapenerako Gobernuz Kanpoko Erakundea (GGKE) da.

 

1988. urteaz geroztik, gizon eta emakumeekin, elkarteekin eta hegoaldeko erkidegoekin batera lan egiten dugu, euren gizartea garatu eta aldatzeko erronketan laguntzeko. Konpromiso solidarioa eta etikoa dugu -iparraldean ere bai-, eta Giza Eskubideen babesaren eta gizakien garapen jasangarriaren alde lan egin nahi dugu bi hemisferioetan.

Alderdiekin, sindikatuekin, elizekin edo beste erakunde politiko edo erlijiosoekin inolako menpetasunik edo loturarik ez duen irabazi-asmorik gabeko erakunde ez-konfesionala dela azaltzen duten Estatutuek arautzen dute Mundubat Fundazioa. Organigraman bertan, argi eta garbi adierazten da partaidetzako erakundea dela, Bazkideen Batzordeak Gobernu Organoa edo Patronatua bermatu eta aholkatzen duela ezartzen da eta. Giza eta finantza baliabideak eraginkortasunez, zorroztasunez eta gardentasunez kudeatuko direla bermatzen du Patronatuak. Aldi berean, lankidetzari buruz dugun kontzeptuan oinarrizko osagaia den Sare eta Itunen politika ezartzen du Patronatuak.