Hona hemen gure genero-politikaren oinarriak:

 1.-  Emakumeen eta gizonen arteko paritatearen aldeko joera iraunkorra, gure erakundeko erantzukizun-maila guztietan.

2.- Generoaren arloko pixkanakako prestakuntza iraunkorra. Generoa erakundean bertan kontuan hartu ahal izateko, ezinbestekoa da aldaketa teknikoak, politikoak eta pertsonalak egitea. Horretarako, behar besteko prestakuntza teknikoa eskaini behar diegu egunez egun iparraldeko lan-taldeen, hegoaldeko ordezkaritzen eta tokian tokiko bazkideen bidez lankidetzarako, ekintza humanitariorako, sentsibilizaziorako eta hezkuntzarako lankidetza-proiektuak sortzen dituztenei. Hala ere, balioetan eta jokabideetan prestatu behar gara, gizonen eta emakumeen arteko posizio desberdinak gure bizitzan eragina duela ulertu ahal izateko.

3.- Lan-eremuaren instituzionalizazioa. Horiek horrela, genero-politikan zehaztutako helburuak eta konpromisoak sustatu eta betearazi egingo ditugu.

4.- Itun estrategikoen ezarpena gure lanaren helburu diren lurraldeetako emakumeen erakundeekin eta/edo erakunde feministekin, bai eta hegoaldean zein iparraldean emakumeen eskubideak defendatu eta aldarrikatzen dituzten erakunde-sareekin ere.

Jakin badakigu prozesu zail bezain konplexuari eman diogula hasiera eta emaitzak epe luzerakoak izango direla. Dena den, jakin badakigu banan-banaka eta taldeka sendotuko garela.