Gure ikuspegia integrala da, eta bi ardatz ditu oinarritzat: ardatz ekonomikoa edo herri-ekonomien ardatza eta herritarren partaidetza ezaugarri bereizgarri duen ardatz demokratikoa.

 

Hasiera batean, honako hauxe lortu nahi du ardatz ekonomikoak: elikaduraren segurtasuna, soberakinak, merkaturatzeko gaitasuna, antolakuntza erkide hobea eta emakumeen zeregin berria. Gainera, askatasun indibidual eta sozialaren kontzeptuan oinarritutako herri-ekonomien ereduaren arabera garatzen da. Bertan, hain zuzen ere, jabetzak berak zenbait antolakuntza-modalitate ditu; esate baterako, kooperatiba, banan-banako autokudeaketa edo ekoizleen eta langileen elkarteak.

 

Ardatz demokratikoa herritarren partaidetzan dago oinarrituta, baita elkarte-sareen bultzadan eta udal-bizitzaren finkapenean ere. Ardatz honetan, oso kontuan hartzen da demokrazia hauskor eta ziurgabeetako gizartea egituratua izan behar dela eta erantzun politikorako gaitasuna izan behar duela, bere gatazkak hitzartzeko eta ebazteko eta gobernu-txandaketak erabakitzeko. Partaidetzazko gizarte horrek, hain zuzen ere, presio, borroka eta zentzu kritikorako ahalmena duen herritartasuna eratu behar du.